முஸ்லீம் பெண்கள் பர்தா அணியவேண்டுமா?

முஸ்லீம் பெண்கள் பர்தா அணியக் கூடாதென பிரிட்டனின் அமைச்சர்களில் ஒருவரான ஜாக் ஸ்ட்ரோ கூறியுள்ளது இங்கு பலத்த சலசலப்பை உண்டு பண்ணியுள்ளது. வேறு பல மதத்தினரும் இனத்-தவரும் பல்வேறு சின்னங்களையும் உடைகளையும் அணிந்திருக்கும் போது, இவர் முஸ்லீம் பெண்களை மட்டும் இலக்காக வைத்துக் கூறியுள்ளதற்கு பல முஸ்லிம் தாபனங்கள் பலத்த கண்டனம் தெரிவித்துள்ளன.

இது இப்படி இருக்க, என்னுடன் பணியாற்றும் சூடானைச் சேர்ந்த ஒரு முஸ்லீம் நணபரிடம் இது பற்றிக் கேட்டேன். முகம்மது நபிகளுடைய காலத்திற்கு முன்பிருந்தே அரேபிய நாட்டில் பர்தா அணியும் வழக்கம் இருந்து வந்ததென்றும், இந்த வழக்கம் ஒரு கலாச்சார முறையே தவிர ஒரு முஸ்லீம் பழக்கமல்ல என்று அவர் கூறினார். ஆகவே, முஸ்லீம் பெண்கள் பர்தா அணியவேண்டியது கட்டாயமில்லை என்றார். இது சரியா? அப்படியானால் அரபுக்கள் அல்லாத முஸ்லீம்கள் பர்தா அணிவது ஏன்?